08 Dec 2019   |   
logo
स्थानीय तह

राप्रपाले भारतको नक्सा जलायो



स्थानीय तह   44 पटक पढिएको   समाज संवाददाता     
हेटौंडाः राष्ट्रिय प्रजातन्त्र पार्टी (राप्रपा) मकवानपुरले भारतद्वारा जारी नक्सा हेटौंडामा जलाएको छ । राप्रपा सम्बद्ध जनवर्गीय संगठनहरुले आइतबार हेटौंडामा भारतद्वारा हालै जारी गरेको नक्साप्रति असहमति जनाउँदै जलाएको हो । हेटौंडा–५ सानोपोखरास्थित पार्टी कार्यालयबाट निस्केको रयाली बुद्धचोकमा पुगेर कोण सभामा परिणत भएको थियो ।



पार्टीका सहायक महामन्त्री राजाराम बर्तौला, जिल्ला अध्यक्ष मधु अधिकारी, नगर अध्यक्ष गुरुप्रसाद सापकोटा, युवक संगठनका केन्द्रिय उपाध्यक्ष दामोदर वाग्ले लगायतको सहभागितामा नाराबाजीका साथ रयाली निकालिएको थियो । रयालीमा सीमा अतिक्रमण बन्द गर, राष्ट्रिय स्वाधीनताको रक्षा गरौं, आत्मसमर्पणबाद मुर्दाबाद, विस्तारबाद मुर्दाबाद जस्ता नारा लगाईएको थियो । कोण सभालाई पार्टीका जिल्ला अध्यक्ष मधु अधिकारी, नगर अध्यक्ष गुरुप्रसाद सापकोटा, युवक संगठनका जिल्ला अध्यक्ष शुक्र प्रजा, महिला संगठनका अध्यक्ष बालकुमारी डल्लाकोटी, युवक संगठन हेटौंडा नगर अध्यक्ष भृगु कार्की लगायतले सम्बोधन गर्दै तत्काल कुटनैतिक तवरले समस्याको हल गर्नुपर्नेमा सरकार आत्मसमर्पणबादको दिशामा गएको भन्दै तीव्र आलोचना गरेका थिए ।







सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
sambridhasamaj@gmail.com


18977689 Times Visited.
हाम्रो समुह
सुरेश श्रेष्ठ, सम्पादक, ९८५५०-६८२२७
more...
संचालन तथा प्रायोजनको हक सर्बाधिकार © समृद्ध समाज दैनिक २०७५ मा सुरक्षित रहनेछ ।
Powered by: ExNet  
Top