हेटौंडाः ३ नम्बर प्रदेशका मुख्यमन्त्री डोरमणि पौडेलले संविधान कार्यान्वयनको चरणमा रहेको बताउनुभएको छ । चौथो संविधान दिवसको अवसरमा हेटौंडामा आयोजित कार्यक्रममा मुख्यमन्त्री पौडेलले ऐतिहासिक दिनलाई सबैले राष्ट्रहित, लोकतन्त्र र अग्रगामी परिवर्तनका लागि नेपाली जनताले पटक पटक योगदान गर्दै आएको दिनको रुपमा स्मरण गर्नुभएको छ । ऐतिहासिक जनआन्दोलन, सशस्त्र संघर्ष र बलिदानको गौरवपूर्ण इतिहासलाई स्मरण गर्दै ऐतिहासिक आन्दोलनहरुमा शाहदात प्राप्त गर्ने सम्पूर्ण शहीद तथा बेपत्ता र पीडित नागरिकहरुलाई सम्मान गर्नु हामी सबैको कर्तव्य रहेको उहाँको धारणा रहेको थियो ।